You are currently browsing the tag archive for the ‘ක්‍රිස් නෝනිස්’ tag.

මගේqrcode.26393772 අවධානය යොමුව තිබෙනවා ඔබ පුවත්පතෙහි අද දින “අල් ජශීරා වැඩසටහන: විජේසිංහයන් වැනි මීතුරන් සමග ජනපතිට සතුරන් අවැසි නොවීය” මැයෙන් පලවූ ප්‍රවෘත්ති විශේෂාංගය කෙරෙහි.

රචකයා නිසැකවම ව්‍යාකූල සහගත තත්වයට පත්ව තිබෙනවා. මා එළඹෙන ජනාධිපතිවරණයේදී ජනපතිට සහයෝගය නොදීම පිලිබදව, ඔහු ස්ථිරව ප්‍රකාශ කරන්නේ “විජේසිංහ ඇත්ත වශයෙන්ම අදහස් කරන්නේ අපේ විදේශ ප්‍රතිපත්තිය සුරේන්ද්‍රන් වැනි දෙමළ කොටි හිතවාදීන්ට වඩාත් අනුකුල විය යුතුය” යනුවෙනි. ඔහු තවදුරටත් අවධරණය කරන්නේ මට ජනපතිගේ පරාජය අවශ්‍යයි   කියා, “එතුලින් ජාත්‍යන්තර යුධ අධිකරණය ඉදිරියට ඔහුව ගෙන ය හැකිය” යන මතයේ පිහිටා සිට.

මෙය සම්පුර්ණයෙන්ම අර්ථ ශුන්‍ය වන අතර මම මෙම වැඩ සටහනේදී සුරේන්ද්‍රන් සමග ඇතිවූ විවාදය මුළුමනින්ම නොසලකා හැරීමක්. තවදුරටත් රචකයා පැහැදිලිවම නොසලකා හැර තිබෙනවා නිවේදිකාවට මා අභියෝගයට ලක් කිරීමට හේතු වූ අපේ ත්‍රිවිධ හමුදාව යුද්ධයේදී සටන් කල ආකාරය පිළිබද මගේ කරුණු දැක්වීම.

අපේ හමුදාවන් ආරක්ෂා කිරීමට ජාත්‍යන්තර විනිශ්‍යතල වලදී මා අතිශය ක්‍රියාකාරිව හා ඵලදායීව කරුණු දැක්වුවන්ගෙන් එක අයෙක් බව ඉතා ප්‍රකට කරුණක් සහ ඉතාමත් කණගාටුවට කරුණ වන්නේ මා වැනි අයගේ සේවා හමුදාවන්ට අහිමි වී ඇති බව – ඉතා මෑතකදී අපේ රට ආරක්ෂා කිරීමට ඉතා දක්‍ෂලෙස CNN සේවයේ පැවතී සම්මුක සාකච්චවකදී කළ කරුණු දැක්වීමෙන් පසුව, ක්‍රිස් නෝනිස් මහතාව අපේ විදේශ ප්‍රතිපත්ති ක්‍රියාත්මක කරන්නන්ගේ උදහසට ලක්විම යන කරුණු පිළිබඳ රචකයා විසින් නොසලකා හළ ඇති බවයි.

ඉමහත් සංවේගයට හේතුවන කරුණක් වන්නේ Daily News පුවත්පත, ජ්‍යෙෂ්ඨ භාණ්ඩාගාර නිලධාරින් විසින් සැකසහිත LTTE හිතවාදීන් සමග ගනුදෙනු පිළිබද අවධානය යොමුකර සකස් කරන ලද විගණන විමසුම සම්පුර්ණයෙන්ම නොසලකා හැර, දෙමළ කොටි හිතවාදීන් කෙරෙහි නැඹුරු විදේශ ප්‍රතිපත්තියක් මා හට අවශ්‍යව ඇතැයි ප්‍රකාශ කිරීමයි.

ඉතා අවාසනාවන්ත ලෙස මෙම රචකයා මෙන්ම ජනපති නොමග යවමින් සිටින බොහෝ අය අපේක්ෂා කරන්නේඅතීතය පිලිබදවම කතා කිරීම තුලින් මේ ජනාධිපතිවරණයත් ජය ගන්නටයි. එය සමහර විට යෝග්‍ය වේවි, ජනාධිපතිවරයෙකු වශයෙන් මැතිවරණ ජයගැනීමම හුදු අභිමතාර්තය නම්. එනමුත් ඉන් ඔබ්බට යමින් ජනාධිපතිවරණයක් පැවැත්වීමේ අරමුණ විය යුත්තේ රට පාලනය කල හැකි සහ අපව සතුරන්ගෙන් ආරක්ෂා කල හැකි ජනාධිපතිවරයෙකු පත් කර ගැනීමයි. එය වර්තමාන රාජ්‍ය තන්ත්‍රය හුදෙක් අසාර්ථකත්වයට පත් වූ කාර්යයක් බවට පත්ව තිබෙනවා. Read the rest of this entry »

Advertisements

Lakbima Newsවිදේශ කටයුතු අමාත්‍යාංශය හා විදේශ සේවය පිළිබදව පසුගිය සති දෙක තුළ විශාල ආන්දෝලනයක් ඇතිවිය. ඒ විදේශ කටයුතු අමාත්‍යාංශයේ අධීක්ෂණ මන්ත්‍රී සජින් ද වාස් ගුණවර්ධන හා බ්‍රිතාන්‍යයේ සිටින ශ්‍රී ලංකා මහ කොමසාරිස් දොස්තර ක්‍රිස් නෝනිස් අතර ඇතිවු ගැටුම නිසාය. ලංකාවේ විදේශ සේවයේ වෘත්තීයභාවය ගැන වැඩි අවධානයක් යොමු කරන පාර්ලිමේන්තු මන්ත්‍රී මහාචාර්ය රජීව් විජේසිංහ මේ ක්‍රියාදාමය පසුගියදා විවේචනය කළේය. විදේශ කටයුතු අමාත්‍යාංශය ගැන ඔහු දක්වන අදහස් පිළිබදව මෙන්ම විදේශ කටයුතු අමාත්‍යාංශය තුළ ඇතිවී තිබෙන තත්ත්වය හමුවේ ලංකාවට ජාත්‍යන්තර බලපෑම් තීරණය වන ආකාරය ගැන මහාචාර්ය රජීව් විජේසිංහ සමග ලක්බිම කළ සම්මුඛ සාකච්ඡාවකි මේ.

ලංකාවේ තානාපති සේවය වෘත්තීයභාවයකින් යුත් තානාපති සේවයක් ලෙස හැඳින්විය හැකිද?
තානාපති සේවයේ දුර්වලතා රැසක් තිබෙනවා. ලංකාවේ විදේශ සේවය ආරම්භ වන විට ඔවුන්ට නිසි පුහුණුවක් ලැබුණේ නැහැ. එහෙත් විදේශ සේවයට හොඳ පිරිසක් එක්වීම නිසා එය සාර්ථකව ඉදිරියට ගියා. ලංකාවේ විදේශ සේවය ආරම්භයේ සිටම හොඳ තානාපතිවරුන් ලෙස කටයුතු කළේ විදේශ සේවය තුළ සිටි තානාපතිවරු නොවෙයි. විදේශ සේවයට පිටින් පත් කළ අය තමයි හොඳම තානාපතිවරු ලෙස කටයුතු කර ඇත්තේ.

ශර්ලි අමරසිංහ, නෙවිල් කනකරත්න, ක්ලෝඩ් කොරයා වගේ නම් රැසක් මට ඉදිරිපත් කරන්න පුළුවන්. 1948 සිට 1980 වෙ තානාපති සේවයෙන් පැමිණි හොඳ තානාපතිවරු සිටියේ එක් අයෙක් දෙන්නෙක් පමණයි. එයට හේතුව වන්නේ විදේශ සේවයට එක්වන අයට නිසි පුහුණුවක් නොලැබිමයි. අපි නිසි පුහුණුවක් නොදීම නිසාත් ලංකාවේ විදේශ ප්‍රතිපත්තියක්  ස්ථිරව පවත්වාගෙන නොයෑම නිසා විදේශ සේවය තහවුරු වූයේ නැත. ජේ.ආර්.ජයවර්ධන ජනාධිපතිවරයා විදේශ ප්‍රතිපත්තිය වෙනස් කරන විට විදේශ කටයුතු අමාත්‍යාංශ ‍ලේකම් ධුරයට පැමිණි තිස්ස විජයරත්න ගමේ ළමුන් විදේශ සේවයට බඳවාගත්තා. ඉංග්‍රීසි භාෂාවට වැඩි අවධානයක් යොමු කළේ නැහැ. මේ නිසා විදේශ සේවය පසුබැස්සා.
මෙහි වාසිය ලබාගත් ජේ.ආර්. ජයවර්ධන ජනාධිපතිවරයා තානාපති කාර්යාලවල දෙවැනි, තෙවැනි තනතුරු සඳහා දේශපාලන පත්කිරීම් කළා. මේ නිසා තමයි විදේශ සේවය දේශපාලනීකරණය වුණේ. වත්මන් ආණ්ඩුව යටතේත් මේ දේශපාලන පත්වීම් සිදුවෙනවා. මේ දේශපාලන පත්වීම් නිසා විදේශ සේවයේ වෘත්තීය භාවය බිඳවැටුණා. ඒ වගේම දැන් විදේශ අමාත්‍යාංශයේ සිටින සමහර අය ආණ්ඩුවේ ඉහළ අයගේ ඔළුවට දමා ඇත්තේ තමුන්ට පමණක් ඉංග්‍රීසි හැකි බවයි.

Lakbima Sinhalaවිදේශ කටයුතු අමාත්‍යාංශයේ නිලධාරීන්ගේ වෘත්තීයභාවය වර්ධනය කිරීමට ඔබ මැදිහත් වුණා. එය ඉදිරියට ගෙන නොගියේ ඇයි?
විදේශ කටයුතු අමාත්‍යාංශයේ නිලධාරීන්ට නිවේදන සකස් කිරීම ගැන පුහුණුවක් ලබාදීමට මම සූදානම් වුණා. ඒත් එය ක්‍රියාත්මක කිරීමට අවස්ථාව විදේශ කටයුතු ඇමැතිවරයා මට ලබාදුන්නේ නැහැ. මේ ගැන මම ජනාධිපතිවරයාගෙන් විමසුවා. එවිට ඔහු කීවේ මහාචාර්යවරයෙක් තවත් මහාචාර්යවරයෙක් දැක්කාම බය වෙනවානේ කියලයි. ඒ කියන්නේ ජනාධිපතිවරයත් විදේශ කටයුතු ඇමැතිවරයාගේ හැසිරීම දන්නවා.

ඔබ මේ කටයුතුවලට මැදිහත්වූයේ නියෝජ්‍ය විදේශ කටයුතු ඇමැතිකම බලා‍පොරොත්තුවෙන් නොවේද?
ජනාධිපතිවරයා බලයට පත්වීමෙන් පසුව විදේශ කටයුතු අමාත්‍ය ධුරයට පත් කිරීමට අයෙක් නැති බව මා සමග පැවැසුවා. ඒ වෙලාවේ මම කීවේ මට නියෝජ්‍ය ඇමැතිකම දෙන්න කියලයි. ඒ වෙලාවේ ජනාධිපතිවරයා හිතුවේ මමත් සාමාන්‍ය අය වගේම තනතුරු ගන්න හදනවා කියලයි. එය එසේ නොවන බව මම ජනාධිපතිවරයාට පෙන්වා දුන්නා. මම ඒ තනතුරු ගැන කතා කළේ විදේශ කටයුතු අමාත්‍යාංශයට කවුරුත් නොමැති බව පැවැසූ නිසයි. එසේ නොමැතිව තනතුරු බලාගෙන නොවෙයි.

විදේශ සේවයේ සිටින දක්ෂ නිලධාරීන්ට තමන්ගේ දක්ෂතා පෙන්විය හැකි තානාපති ධුරයන් ලැබි තිබෙනවාද?
බ්‍රසල්ස්වල පී.එම්. අම්සා, ප්‍රසාද් කාරියවසම්, චිත්‍රානි වාගීෂ්වරී වගේ දක්ෂ තානාපතිවරුන් විදේශ සේවයට පත්වී සිටිනවා. විදේශ සේවයේ සිටින තවත් දක්ෂ නිලධාරීන් තානාපති තනතුරු ලැබෙන තුරු බලා සිටිනවා. ඒ අතරවාරයේ පිටින් තානාපතිවරුන් පමණක් නොව අනෙක් තනතුරු සඳහාද පත් කරනවා. මේ නිසා විදේශ සේවයේ වෘත්තීයභාවය දියුණුවීමට අවස්ථාවක් ලැබුණේ නැහැ. තානාපති කාර්යාලවල දෙවැනි තුන්වැනි තැන්වලට විදේශ සේවයට බාහිරින් පත් කිරීම් කළ යුතු නැහැ. දයාන් ජයතිලක, තමාරා කුගනායගම්, ක්‍රිස් නෝනිස්,  අසිත පෙරේරා, සරත් කෝන්ගහගේ වැනි විදේශ සේවයට බාහිරින් පත් කළ තානාපතිවරු විශිෂ්ට සේවයක් කළා. ඔවුන් තරම් විශිෂ්ට නැතත් නාවලගේ බෙනට් කුරේ වැනි තානාපතිවරු පවා නරක නැහැ. ප්‍රශ්නය තිබෙන්නේ මොවුන්ට සහය දීමට විදේශ සේවයේ දක්ෂ කාර්යමණ්ඩලයක් නොමැති වීමයි. විදේශ සේවයේ සිටින නිලධාරීන්ගේ පරිපාලනය හරිම දුර්වලයි. ප්‍රසාද් කාරියවසම් වරක් මට පැවසුවේ තමන් ජනාධිපතිවරයාට යවන ලියුම් ඔහුට නොලැබෙන බවයි. ඔහු විදේශ සේවයේ තානාපතිවරයෙක් නිසා තමන් යවන ලිපි යැවිය යුත්තේ විදේශ කටයුතු අමාත්‍යාංශය හරහායි. Read the rest of this entry »

Rajiva Wijesinha

October 2019
M T W T F S S
« Dec    
 123456
78910111213
14151617181920
21222324252627
28293031  
Advertisements
%d bloggers like this: